کیا آپ دوستی کرنا چاہتی ہیں؟ تو پھر آپ خود بھی دوسروں کے اچھے دوست بنیں۔

دوست زندگی کو خوشگوار بناتے ہیں اور آپ کی زندگی کی پریشانیوں کو کم کرتے ہیں۔ یہ بات اہم نہیں کہ آپ کے کتنے دوست ہیں۔ اہم بات یہ ہے کہ آپ ان لوگوں کے اچھے دوست ثابت ہوں جو آپ کا خیال رکھتے ہیں۔ ایک اچھا دوست بننے کے بہت سے طریقے ہیں۔ یہاں چند مثالیں بیان کی جاتی ہیں:

● سب سے سنہری اصول یہ ہے کہ آپ اپنے دوست سے کیا توقع رکھتے ہیں اور خود اس سے کیسا رویہ رکھتے ہیں۔

● اپنے دوستوں کی بات سنیں اور ان کی رائے کا احترام کریں چاہے ان کے خیالات آپ سے مختلف ہیں کیوں نہ ہوں۔

● وہ جیسے ہیں انہیں قبول کریں۔ اچھے دوست اپنے دوستوں پر تنقید یا انہیں بدلنے کی کوشش نہیں کرتے۔ آپ کے دوست جیسے بھی ہیں ان کی قدر کریں اور ان کے ساتھ ویسا ہی سلوک کریں جو آپ اپنے لئے پسند کرتے ہیں۔

● انہیں سمجھنے والے بنیں اور معاف کرنا سیکھیں۔ اپنے آپ کو دوست کے سامنے جھکا لیں، ہم سب سے غلطیاں سرزد ہوسکتی ہیں۔

● قابل اعتماد بنیں۔ اس کا مطلب یہ ہے کہ جو کچھ کہو اس کو پورا کرو اور اپنے دوستوں کے عیب تلاش کرنے کی کوشش نہ کریں۔ اپنے دوست کے راز کو دوسروں پر افشاں نہ کرو جب تک کہ وہ خطرے میں نہ ہوں۔ اگر وہ خطرے میں ہوں اور انہیں آپ کی مدد کی ضرورت ہو تو کسی باعتماد بزرگ سے اس بارے میں بات چیت کریں۔